Tíðindi

Útlendingastovan hevur givið út heftið "Hugnakvøld sum integratiónstiltak – Royndir og íblástur frá hugnakvøldum fyri ukrainum."

Útgávan byggir á royndir frá hugnakvøldunum, sum Útlendingastovan skipaði fyri frá januar 2023 til heystið 2025 fyri ukrainsk flóttafólk í Føroyum. Endamálið var at skapa eitt lággáttartilboð, har børn, ung og vaksin kundu hittast í tryggum og hugnaligum kørmum, knýta sambond, fáa kunning og læra føroyska samfelagið betri at kenna.

Í heftinum verður greitt frá:

• hví hugnakvøldini vórðu sett á stovn,
• hvussu tey vórðu skipað,
• hvørji tiltøk og virksemi vóru á skránni,
• hvørjar royndir og lærdómar komu burturúr,
• og hvørji viðurskifti kunnu vera góð at hava í huga hjá øðrum, sum arbeiða við integratión og móttøku av nýkomnum tilflytarum. 

Vónandi kann útgávan geva íblástur til onnur, sum arbeiða við integratión, trivnaði og felagsskapi – bæði í Føroyum og aðrastaðni.

Heftið kann takast niður her.