Integratiónslógin ásetur nakrar grundleggjandi skyldur hjá kommununum.
Kommunurnar skulu:
- seta ein integratiónssamskipara (§4)
- skipa fyri kunningarfundum fyri nýkomnum tilflytarum (§5)
- veita grundleggjandi kunning um lokalar tænastur og viðurskifti
- tryggja børnum og ungum góða móttøku
- veita børnum á dagstovni, sum hava føroyskt sum annaðmál, eina skipaða trivnaðarætlan
- skipa fyri integratiónsfremjandi tiltøkum fyri ung eftir tørvi
- samstarva við integratiónsmyndugleikan
- samstarva við aðrar kommunur, tá tað er viðkomandi
Kommunurnar hava eisini ein týdningarmiklan leiklut í at stuðla góðari integratión lokalt.
Hetta kann til dømis vera at:
- hjálpa nýkomnum at fáa atgongd til dagstovn, skúla og frítíðartilboð
- stuðla luttøku í lokalsamfelagnum
- samstarva við lokal feløg og sjálvboðin
- arbeiða við lokalum integratiónsavbjóðingum
Integratiónsarbeiðið verður ofta bygt inn í tær tænastur og skipanir, sum kommunan longu hevur. Tí er týdningarmikið, at kommunur savna seg um góða integratión innan sítt starvsøki og millum sínar borgarar.