Familjur við børnum og ungum hava ofta tørv á eyka vegleiðing fyrstu tíðina.
Bústaðarkommunan skal virka fyri at tryggja børnum og ungum góða móttøku, eitt gott og trygt barna- og ungdómslív og góða integratión.
Dagstovnar, skúlar og frítíðarlív hava stóran týdning fyri bæði trivnað, málmenning og tað at gerast partur av einum felagsskapi.
Ein góð byrjan hevur stóran týdning
Bústaðarkommunan skal veita børnum, sum ikki hava føroyskt sum móðurmál, eina skipaða trivnaðarætlan á dagstovni, sum hóskar til aldurin á barninum.
Kommunan kann eisini hjálpa familjuni við at:
greiða frá dagstovnaskipanini
hjálpa við umsókn og praktiskum spurningum
greiða frá gjøldum, kostnaði og møguleikanum fyri fríplássi
greiða frá týdninginum av dagstovni fyri málmenning, trivnað og integratión
stuðla góðari móttøku í samstarvi við dagstovnin
Til eru vegleiðandi filmar um føroyskar dagstovnar á fleiri málum.
Sí filmarnar →Góð móttøka krevur samstarv við familjuna
Skúlabyrjan í einum nýggjum landi kann krevja nógv bæði av barninum og familjuni. Kommunan kann hjálpa við at skapa yvirlit og stuðla góðum samskifti.
Fyrireika skúlabyrjan
Stuðla familjuni í sambandi við innskriving, skúlabyrjan og praktiskar spurningar.
Skapa góða móttøku
Samstarva við skúlan um eina væl skipaða móttøku av nýggjum næmingum.
Greið frá skipanini
Hjálp foreldrum at skilja føroysku skúlaskipanina og tað, sum verður væntað av skúla og heimi.
Stuðla samskiftinum
Stuðla góðum samskifti millum heim og skúla og meta um tørv á tulki.
Felagsskapur hevur stóran týdning
Ungdómstíðin hjá tilflytarum kann vera serliga trupul, tí tey skulu finna sín samleika í spenni millum tvær mentanir. Nøkur ung koma til Føroya sum tannáringar og duga ikki málið. Tað kann gera tað torført at fóta sær bæði í skúla og sosialum lívi. Kommunan eigur tí at hava serligt fokus á trivnaðin hjá ungum tilflytarum.
Ung integrerast ofta best gjøgnum felagsskap, virkni og sosialt lív – ikki bara gjøgnum kunning.Bústaðarkommunan skal skipa fyri integratiónsfremjandi tiltøkum fyri ung eftir tørvi.
Í praksis kann kommunan arbeiða á trimum økjum:
Skapa møguleikar fyri at koma inn í felagsskapin
stuðla “vinavenjing” í ítróttarfeløgum, har lokalir ungdómar verða settir saman við tilflytarum
bjóða til ungdómsklubbar og frítíðartilboð
stuðla eini “vinaskipan”, har lokalir ungdómar verða settir saman við tilflytarum
Tryggja samstarv millum viðkomandi partar
Kommunan kann tryggja fast samstarv millum viðkomandi partar í kommununi, t.d.:
Brúka yvirskipaðar dátur til at fylgja við menningini
Kommunan kann fylgja við gongdini á yvirskipaðum dátum:
Málið hevur týdning
Hoyr barnið
Um eitt barn skal hoyrast í einum máli, skulu øll gjørlig fyrilit takast fyri, at barnið verður hoyrt á tí máli, sum tað skilir best.
Nýt tulk, tá tørvur er á tí
Almennir myndugleikar skulu brúka tulk, tá tað verður mett neyðugt. Hetta kann vera serliga týdningarmikið í samskifti um børn, trivnað og viðkvæm viðurskifti.
Kommunan skal ikki standa einsamøll
Í summum førum kann vera viðkomandi at samstarva við Gigni, dagstovn, skúla, barnavernd, integratiónsmyndugleikan ella onnur fakfólk. Tað týdningarmesta er, at familjan upplivir eina samanhangandi móttøku.