Familjur við børnum og ungum hava ofta tørv á eyka vegleiðing fyrstu tíðina. Búðstaðarkommunan skal virka fyri at tryggja børnum og ungum góða móttøku, eitt gott og trygt lív og góða integratión.
Dagstovnar, skúlar og frítíðarlív hava stóran týdning fyri bæði trivnað og integratión hjá børnum.
Dagstovnar
Kommunan skal:
- veita børnum, sum hava føroyskt sum annaðmál, eina skipaða trivnaðarætlan
Kommunan kann:
- greiða frá dagstovnaskipanini
- hjálpa við umsókn og praktiskum spurningum
- greiða frá bíðilistum, kostnaði og fríplássum
- greiða frá týdninginum av dagstovni fyri málmenning og integratión
- stuðla góðari móttøku í samstarvi við dagstovnin
- Skúli og frítíðarskúli
Kommunan kann:
- stuðla familjum í sambandi við skúlabyrjan
- samstarva við skúlar um eins móttøku av nýggjum næmingum
- greiða frá føroysku skúlaskipanini
- stuðla samskifti millum heim og skúla
- meta um tørv á tulki
Í summum førum kann vera viðkomandi at samstarva við Gigni ella aðrar fakbólkar sum lið í móttøkuni.
Serligt um ung
Ungdómstíðin hjá tilflytarum kann vera serliga trupul, tí tey skulu finna sín samleika í spenni millum tvær mentanir. Nøkur ung koma til Føroya sum tannáringar og duga ikki málið. Tað kann gera tað torført at fóta sær bæði í skúla og sosialum lívi.
Kommunan eigur tí at hava serligt fokus á trivnaðin hjá ungum tilflytarum.
Ungdómur integrerast ofta best gjøgnum felagsskap, virkni og sosialt lív — ikki bara kunning.
Kommunan skal:
- skipa fyri integratiónsfremjandi tiltøkum fyri ung eftir tørvi
Kommunan kann:
- stuðla “vinavenjing” í ítróttarfeløgum har lokalir ungdómar verða settir saman við tilflytarum
- bjóða til ungdómsklubbar og frítíðartilboð
- stuðla eini “vinaskipan” har lokalir ungdómar verða settir saman við tilflytarum
tryggja fast samstarv millum viðkomandi partar í kommununi við t.d.:
- skúla
- sosialráðgevar
- ungdómsarbeiði
- integratiónssamskipara
Fylgja við gongdini við yvirskipaðum dátum:
- frávera í skúla (yvirskipað støði)
- fullføring av skúla
- luttøka í frítíðartilboðum
- byrjan í útbúgving og læru
- tilmelding til ítrótt og feløg