Tíðindi

Norðurlandaráðið hevur gjørt eina nýggja heimasíðu um integratión, sum eitur “Integration Norden”. Heimasíðan savnar vitan, gransking, hagtøl og dømi um integratiónsarbeiði í Norðurlondum og hevur til endamáls at styrkja samstarv og vitanardeiling millum londini. Á síðuni ber til at finna samanberandi vitan um Norðurlondini, umframt upplýsingar og amboð, sum kunnu stuðla arbeiðinum við integratión og menning av átøkum og politikki á økinum. Heimasíðan er tøk á enskum og skandinaviskum málum.

Í sambandi við nýggju heimasíðuna “Integration Norden” er eisini áhugavert at hyggja at einari nýggjari frágreiðing um børn hjá tilflytarum og integratión í Norðurlondum. Frágreiðingin vísir, at hóast børn hjá tilflytarum ofta klára seg betur í útbúgving og arbeiðslívi enn foreldrini, uppliva nógv framvegis forðingar knýttar at diskriminatión, mentanarmunum og vantandi kenslu av at hoyra til.

Ein av høvuðsniðurstøðunum er, at integratión ikki bert snýr seg um útbúgving, arbeiði og hagtøl, men eisini um at kenna seg viðurkendan og at hoyra til í samfelagnum. Frágreiðingin vísir samstundis, at "long-term" integratiónspolitikkur og íløgur í familjur kunnu hava jalig árin tvørtur um ættarlið.

Samanumtikið staðfestir frágreiðingin, at Norðurlond longu standa seg væl á fleiri integratiónsøkum samanborið við nógv onnur evropeisk lond.