Tíðindi

Í februar skipaði Útlendingastovan fyri skeiðinum “Mentan, forfatan og barnauppaling” við undirvísarunum Jette Thulin og Mette Fenger frá DRC Dansk Flytningehjælp.

Skeiðið var fyri fakfólkum, sum dagliga arbeiða við børnum og familjum av øðrum uppruna enn føroyskum. Skeiðið vardi í tveir dagar, har luttakarar m.a. lærdu um forfatan og samleika, mentanarfatan, familju og mentan, fyribyrgjan av ósemjum, og um hvussu tilflyting kann ávirka børn og familjur kropsliga og sálarliga.

Útlendingastovan hevði boðið Lenu Klahan Langgaard og Janet S. Gleðisheygg í skeiðið at hava stuttar framløgur um upplivingar
teirra.

Skeiðið var fullteknað, og vit fegnast um, at fakfólk úr øllum landinum og frá so ymiskum arbeiðsplássum luttóku. Ætlanin er at skipa fyri sama skeiði aftur seinni í árinum. Lýst verður við skeiðinum her á integration.fo og á Facebook síðu okkara.

Tey, sum ynskja at fáa boð, tá ið tilmeldingin til næsta skeið letur upp, kunnu skriva til Duritu Kastalag: duritak@vs.fo.