07/04/2022

Serlógirnar um flóttafólk einmælt samtyktar (KVF)

Løgtingið er nú farið í páskafrí

Løgtingið hevur fyri løtu síðani einmælt samtykt tær tríggjar serlógirnar um flóttafólk úr Ukraina.

Øll 27 tingfólkini, sum vóru í løgtingssalinum, atkvøddu fyri við triðju viðgerð, og løgtingið hevur nú avgreitt lógirnar.

Trivnaðarnevndin, rættarnevndin og fíggjarnevndin tóku einmælt undir við lógunum, sum geva 200 ukrainskum flóttafólkum uppihaldsloyvi í Føroyum í tvey ár. Og tey fáa somu rættindi sum føroyingar til sjúkrahúsviðgerð.

Tingið hevur eisini samtykt eina eykajáttan upp á tilsamans 15,5 milliónir kr., sum flóttafólkini verða mett at kosta.

Alt er ikki greitt

Rættarnevndin skrivaði í álitinum, at hon tekur til eftirtektar, at øll viðurskifti viðvíkjandi móttøku av flóttafólkunum ikki eru komin upp á pláss frammanundan, men tað er avgerandi neyðugt, at føroyskir myndugleikar loysa hesar uppgávur í tøttum samstarvi og so skjótt sum møguligt. 

Fíggjarnevndin skrivaði, at nevndin leggur dent á, at eykajáttanirnar verða hildnar leysar av vanliga rakstrinum hjá teimum stovnum, ið varða av teimum, og at tær sostatt einans verða brúktar í tann mun, tørvur verður á  teimum til endamálið. Í hesum sambandi skulu tættir í roknskapinum brúkast til at útgreina nýtsluna.

(KVF)

Seinastu tíðindi
19/11/2026
Útlendingastovan við á norð­urlendskari integratións­ráð­stevnu

Tann 16.–17. november varð norðurlendsk integratiónsráðstevna hildin í Keypmanna…

12/10/2026
The International House Tórshavn (Tórshav­nar Kommuna)

Tórshavnar kommuna hevur eina síðu á heimasíðuna, sum eitur International House…

30/09/2026
Væleydnaður kunningarfundur við tilflytarum og nýggj integratiónsheimasíða hjá kommunu­num í Eysturoynni og Norð­oyggjum (Klaksvíkar kommuna)

Hóskvøldið 24. september 2026 var fyrsti upplýsingarfundurin fyri tilflytarar í…

24/09/2026
Nýggj heimasíða til nýggjar borgarar í Runavíkar kommunu (Runavíkar kommuna)

Runavíkar kommuna hevur gjørt nýggju heimasíðuna newinrunavik.fo, sum er ætlað f…