Halda fram við tíðindum á enskum í KvF
Hetta er ein týdningarmikil tænasta at veita okkara fólki, sum ikki skilur føroyskt, sigur Jenis av Rana, landsstýrismaður
Tíðindini á enskum í Kringvarpinum halda fram.
Tað sigur Jenis av Rana, landsstýrismaður, sum hevur svarað Beintu Løwe, løgtingskvinnu.
Kringvarpið og Uttanríkis- og Mentamálaráðið arbeiða í løtuni við einum nýggjum public service-sáttmála fyri tann, sum fór úr gildi á nýggjárinum.
Jenis av Rana sigur, at hann væntar ikki, at tænastan, sum er at hava tíðindi á enskum, verður strikað.
Hetta er ein týdningarmikil tænasta at veita okkara fólki, sum ikki skilur føroyskt, sigur hann.
News in English
Tíðindi á enskum eru í "News in English" á heimasíðuni hjá Kringvarpinum. Tænastan "News in English" er fyri tað mesta útveitt.
Frá síðst í desember 2019 til síðst í desember 2020 rindaði Kringvarpið fríyrkisjournalisti 282.800 krónur fyri veitingina.
Harafturat koma slakar 50.000 kr. í innanhýsis kostnaði.
Integratión plagar annars ikki at liggja hjá public service miðlunum, men hjá eitt nú integratiónsstovnum og kommunum, sigur Kringvarpið.
The International House Tórshavn (Tórshavnar Kommuna)
Tórshavnar kommuna hevur eina síðu á heimasíðuna, sum eitur International House…
Væleydnaður kunningarfundur við tilflytarum og nýggj integratiónsheimasíða hjá kommununum í Eysturoynni og Norðoyggjum (Klaksvíkar kommuna)
Hóskvøldið 24. september 2026 var fyrsti upplýsingarfundurin fyri tilflytarar í…
Nýggj heimasíða til nýggjar borgarar í Runavíkar kommunu (Runavíkar kommuna)
Runavíkar kommuna hevur gjørt nýggju heimasíðuna newinrunavik.fo, sum er ætlað f…
"Nert ikki við“ útvarpssending tekur integratión og rasismu upp (KVF)
Hvussu er tað at koma til Føroya sum tilflytari? Eru vit so rúmlig, sum vit hald…