Kommunur og integratión
Kommunur hava ein lyklaleiklut í integratiónini í Føroyum. Tær eru tann almenni myndugleikin, sum er tættast at borgarunum, og eru ofta fyrsta samband hjá nýggjum tilflytarum. Hetta merkir, at nógv av integratiónini fer fram lokalt gjøgnum dagstovnar, skúla og frítíðarskúlar, ítrótt, felagsskapur og almennar tænastur.
Integratión er ein felags ábyrgd millum landsmyndugleikar og kommunur. Sambært integratiónslógini hava kommunur bæði greiðar ábyrgdar og ein breiðari leiklut í at stuðla inklusión og luttøku í samfelagnum.
Hvat hava kommunur ábyrgd av?
Sambært integratiónslógini hava kommunur bæði ávísar lógarbundnar skyldur og eina breiðari ábyrgd at stuðla integratión lokalt.
Lógarbundið
Kommunur skulu:
- Seta ein integratiónssamskipara (§4)
- Skipa fyri kunningarfundum fyri nýkomin (§5)
- Veita grundleggjandi kunning um rættindi, tænastur og, hvar ein kann fáa hjálp
- Samstarva við integratiónsmyndugleikan og, har tað er viðkomandi, við aðrar kommunur
Áhaldandi ábyrgd
Kommunur eru væntaðar at arbeiða virkið fyri góðari integratión við at:
- Tryggja, at nýkomin fáa atgongd til lokalar tænastur (t.d. dagstovnar og frítíðarvirksemi)
- Bjóða trivnaðarætlanir til familjur við børnum
- Stuðla luttøku í samfelagnum (t.d. feløg og tiltøk)
- Veita vegleiðing og stuðul í gerandisdegnum
- Eyðmerkja og arbeiða við lokalum integratiónsavbjóðingum
Nær verða kommunur partur av málinum, tá ið ein tilflytari flytur til kommuni?
Uppihaldsloyvi verður givið av Útlendingastovuni
Persónurin skrásetir seg í einari kommunu
Kommunan fær boð frá Útlendingastovuni
Kommunan:
Bjóðar til ein kunningarfund
Veitir lokala vegleiðing
Tryggjar atgongd til tænastur
Stuðlar dagligari integratión
Hvussu arbeiða kommunur saman við integratiónsmyndugleikanum?
Kommunur samstarva við integratiónsmyndugleikan gjøgnum:
Samskipan og vitanarbýti
Luttøku í integratiónsfundum
Nýtslu av felags amboðum og vegleiðing
Felags tiltøk
Integratiónsmyndugleikin veitir:
Yvirskipaðar karmar, vegleiðing og førleikamenning
Amboð og tilfar
Samskipan tvørtur um kommunur