12/05/2022

Jobmatch millum føroyskar arbeiðsgevarar og ukrainskar flóttar (ALS)

Seinasta mikudag skipaði ALS í samstarvi við Útlendingastovuna, integratiónssamskiparan hjá Tórshavnar kommunu og umboðum fyri tríggjar arbeiðsgevarar fyri einum jobmatchi á ALS.

10 fólk úr Ukraina luttóku.

Við støði í upplýsingum um teirra førleikar, arbeiðsroyndir og arbeiðsynskir hevði ALS sett seg í samband við tríggjar arbeiðsgevarar, og eitt jobmatch varð fyriskipað.

PM+, Tórshavnar kommuna og Smyril Line luttóku. Og longu undir fyrireikingini til Jobmatchið setti PM+ ein av ukrainunum í starv.

Eitt jobmatch er skipað soleiðis, at tann arbeiðssøkjandi fær høvi at hitta arbeiðsgevarar fyri at kanna starvsmøguleikar.

Arbeiðsgevararnir lýstu teirra virksemi fyri luttakarunum, og síðan vóru starvssamrøður hildnar. Bæði PM+ og Tórshavnar kommuna høvdu starvsfólk, sum dugdu ukrainskt og russisk, og tað sigur kanska nakað um fjøltáttaða føroyska samfelagið, og annars varð tulkur nýttur.

Átakið eydnaðist væl, m.a. sigur Smyril Line: “Tað var ein góður og óformellur møguleiki at hittast. Fyri okkum sum arbeiðsgevari er tað altíð gott at koma í samband við fólk, sum hava áhuga at starvast í samtakinum. Ein luttakari á degnum fer væntandi ein royndartúr við Norrønu í komandi viku.”

Góðu royndirnar frá Jobmatchinum fara at verða nýttar í framtíðini fyri at fáa skjótt og gott samband millum ukrainskar flóttar og føroyskar arbeiðsgevarar.

(ALS)

Seinastu tíðindi
04/02/2021
New Integration Service offered by the Faroese Immigration Office

Moving to a new country brings excitement, new opportunities, and a long list of…

24/06/2022
40 útlendsk starvs­fólk terpa føroyskt á Hafnia (KvF)

- Tað er okkara samfelagsskylda, sigur leiðslan fyri samtakið handan Hotel Hafni…

21/06/2022
Føroyskt sum annaðmál: 26 tilflytarar fingu prógv (Tórshav­nar Kommuna)

Fríggjadagin fingu 26 tilflytarar prógv í føroyskum sum annaðmál. Talan er um tr…

15/06/2022
Eystur­kommuna hevur integratións­nevnd (KVF)

Nevndin hevur havt sín fyrsta fund, har ymisk mál um integratión vóru á skránni