Tíðindi

Um tit síggja fólk rudda framvið høvuðsvegnum av Glyvrum og út til Runavíkar í dag - ein leygardag í summarferiuni - so er hetta ikki uttan orsøk.

Umboð fyri filipinar í økinum vendu sær herfyri til kommununa, tí tey ynsktu at geva aftur til samfelagið, sum tey eru blivin partur av. Flestu teirra arbeiða á Bakkafrost, og í summarferiuni hugsaðu tey at fyriskipa tiltakið, sum tey nevna "Summer Sports Fest and Community Clean-up".

Og kl. 9.30 í morgun fóru filipinar í Runavíkar kommunu so undir eitt sjálvboðið ruddingarátak framvið høvuðsvegnum av Bakkafrost og út til Barnagarðin á Mýrunum.

Hin parturin ev tiltakinum verður fyriskipaður í morgin, tá Bylgjan er karmur um ymsar ítróttarkappingar hjá eini 80 filipinum og familjum teirra.

(Runavíkar Kommuna)